Аймаг, сум, дүүргийн өөрөө удирдах ёсны байгууллагыг сонгох сонгуулиар Чингэлтэй дүүргийн есөн хорооны 43 хэсгийн хороонд 14 мандатад төлөөлөгч сонгохоор дахин санал хураажээ. Дахин санал хураалтын дүнгээр 14 мандатын 13-т МАН ялалт байгуулж, нэг суудлыг нь АН авсан байна. Намын жагсаалтаас хоёр хүн орж ирэхээр болсон байна. Ийн Чингэлтэй дүүргийн ИТХ-ын 35 суудлын 22-ыг нь МАН авч олонх болсон гэж тус дүүргийн Засаг дарга Т.Аюурсайхан хэллээ. Энэ удаагийн сонгуулиар Чингэлтэй дүүрэгт улс төрийн гурван хүчин өрсөлдсөн аж. Тодруулбал, МАН, АН, МАХН өөрсдийн мөрийн хөтөлбөрөө дэвшүүлэн өрсөлдсөн байна.
Чингэлтэй дүүрэгт МАН ялснаар нийслэлийн есөн дүүргийн таван дүүрэг буюу Сонгинохайрхан, Чингэлтэй, Багануур, Баганхангай, Налайхад МАН олонх болоод байгаа юм байна.