СЕХ-ны дарга Ч.Содномцэрэнгийн мэдээлснээр нийслэл хотын санал хураах 149 хэсэгт сонгогчийн ирц 50 хувьд хүрээгүйгээс дахин санал хураахаар болжээ. Харин хөдөө аймгуудад сонгогчдын ирц гайгүй байсан ч зарим хэсэгт дахин санал хураах юм байна. Гэхдээ яг аль аймгийн хэдэн хэсэгт дахин санал хураах гэж байгаа талаар нэгдсэн тоо гараагүй, аймгууд өөрсдөө саналын хуудсаа дахин хэвлүүлж байгаа гэнэ.
Ийнхүү нөгөөдөр буюу энэ сарын 30-ны Баасан гарагт зарим хэсгийн хороодын дахин санал хураалт болох юм байна. Харин аль дүүргийн аль хэсэгт санал хураах талаар одоохондоо хэн ч ямар ч мэдээлэл өгөөгүй байна. Үүнтэй холбоотойгоор нийслэлийн ИТХ шийдвэр гаргаж сонгуульд оролцож саналаа өгсөн хүнийг баасан гарагт ажил таслаагүйгээр тооцох болсон байна.