35 насандаа ээж болох гэж буй дуучин Шакира гэр бүлийн аз жаргалтай мөчийг харуулсан зургаа фэнүүдтэйгээ хуваалцжээ. Дуучин бүсгүй Испанийн Барса багийн хөлбөмбөгч  Жерард Пикетэй сүй тавьсныг сонсогчид нь сайн мэдэх биз ээ. Хоорондоо 10 насны зөрүүтэй хос хоёр анхны үрийнхээ зулай үнэрлэхээр хүлээж буй юм. Шинэ онд шинэ хүнээ угтан авах Шакира давхар биетэй байгаадаа огтхон ч ядарсан шинжгүй “Үүн шиг есөн сарыг дахин туулсан ч чадахаар байна” хэмээн Twitter-тээ бичжээ.