Олон улсын цөмийн энергийн агентлаг-МАГАТЭ-гийн мэдээллийн нэг серверт хакерууд халдлаа гэж РИА Новости агетлаг мэдээллээ. Компьютерийн танхайчууд тус байгууллагын 100 ажилтны электрон шуудангийн хаягийг хуулж авчээ. Энэ гэмт хэргийн хариуцлагыг Иранд эмэгтэй хүний Parastoo буюу орчуулбал “алтан харацай” нэрээр алдаршсан байгууллага хүлээсэн байна. Тэд МАГАТЭ-гийн ажилтнуудыг цөмийн салбарт Израилын явуулж байгаа бодлогыг шалгах тухай шаардлагад гарын үсэг зурахыг шаарджээ. Хэрэв татгалзвал хувийн мэдээллийг тань нийтэд дэлгэнэ гэж сүрдүүлсэн байна.