Мексикийн нийслэлийн төв гудамжинд байсан Гейдар Алиевын хөшөөг буулгах гэсэн шийдвэрээ өөрчлөхгүй бол Азербайжан улс Мексикт оруулах гэж байсан дөрвөн тэрбум долларын хөрөнгөө зогсооно гэж Баку мэдэгдлээ. Энэ талаар Азербайжанаас Мексикт суугаа Элчин сайд Ильгар Мухтаров РИА Новости агентлагт мэдэгдсэн байна.
Азербайжаны экс ерөнхийлөгчийн хөшөөг өнгөрсөн наймдугаар сард Мексикийн Найрамдлын цэцэрлэгт хүрээлэнд азербайжаны хөрөнгөөр босгосон юм. Гэтэл армняны талыг баримтлагчид хөшөөг буулгах хэрэгтйэ хэмээн шаардлага тавьж байгаагаас энэ хэрэг эхэлсэн байна. Асуудал иймдээ хүрсэн тул мексикийн эрх баригчид хөшөөг буулгаж өөр газар шилжүүлэх гэж байгаа нь ийнхүү хоёр улсын харилцаанд сэв суулгахад хүргээд байгаа юм.
Мексиркийн шинжээчид ч Алиевын хөшөө аугаа их Махатма Ганди, Авраам Линкольн, Мексикийн үндэсний баатруудын хөшөөтэй зэрэгцээд байж байх нь зохимжгүй гэж байгаа юм байна.