Францын Ерөнхийлөгч асан Николь Саркози найман цаг байцаагдсаны эцэст 2007 оны сонгуулийн кампанийг хууль бусаар санхүүжүүлсэн хэргийн сэжигтэн биш, онцгой гэрч болж үлдлээ. Цагдаагийнхны тогтоосноор бол Саркозийн хандивлагчаар Францын хамгийн баян эмэгтэй L’’Oreal-ын эзэмшигч Лилиан Бетанкур байсан байна.
Николь Саркози хэдийгээр өнөөдөр онцгой гэрч болж байгаа ч цаашид мөрдөн байцаалтын явцад буруутан болохыг үгүйсгэхгүй юм. 2007 онд Саркози Ерөнхийлөгчийн сэнтийд суухын тулд сурталчилгаандаа ашиглахаар тэрбумтан эмэгтэйгээс 150 мянган евро хууль бусаар авсан бололтой. Францын хууль ёсоор Ерөнхийлөгчид нэр дэвшигч хувь хүнээс нэг удаа 4,6 мянган еврогоос дээш хандив авахыг хориглодог юм байна.