ОХУ-ын Төрийн думын депутатууд БХЯ-ны сайдаар саяхан томилогдсон Сергей Шойгугаас цэргийн алба хаах хугацааг 1,5 жил болгохыг хүсч байна. Энэ талаар думын Батлан хамгаалах хорооны дарга адмирал Владимир Комоедов мэдэлсэн байна. Түүнийхээр бол цэргийн алба хаах хугацааг богиносгосон нь “улс төрийн” шийдвэр байсан ч армийн байлдааны бэлэн байдалд муугаар нөлөөлсөн гэжээ. Гэхдээ албаны хугацааг нэмэгдүүлэх эсэхийг олон нийтийн санал бодол дээр тулгуурлах ёстой гэдгийг адмирал онцолсон байна.
Энэ оны хоёрдугаар сард В.Путин засгийн газрын тэргүүнээр ажиллаж байхдаа цэргийн албаны хугацааг нэмэхгүй, харин армийн бүрэлдхүүний тоог гэрээт цэргээр нэмэгдүүлнэ гэж байсан юм.
ОХУ-д цэргийн албаны хугацаа хоёр жил байсныг 2007 онд нэг жил хагас болгосон бол 2008 оны нэгдүгээр сараас нэг жил болгож бууруулсан юм.