Кейт Уинслет бол өнөө цагийн Английн хамгийн алдартай жүжигчин. Оскар, Алтан бөмбөрцөг, БАФТА гээд кино ертөнцийн хамгийн том шагналуудыг хүртэж байсан тэрээр Их Британийн хатан хаанаас өндөр нэр хүндтэй шагнал хүлээн авчээ. СВЕ хэмээх Британийн эзэнт гүрний нэрийн өмнөөс хамгийн тэргүүний хүмүүстээ олгодог энэхүү шагналыг Кейт Уинслетэд драмын урлагт оруулан хувь нэмрийг нь үнэлэн олгожээ. Энэхүү шагналыг Букингэмийн ордонд хатан хаан II Элизавет өөрийн биеэр гардуулан өгсөн байна. Хатан хаан Кейтэд шагналыг нь гардуулах зуураа түүнд шагнал гардуулж буйдаа баяртай байгаагаа хэлээд мэргэжилдээ дуртай юу хэмээн асуужээ. Тэгэхэд нь Кейт Уинслет мэргэжилдээ үнэхээр хайртай. Гэхдээ ээж байх нь миний хамгийн дуртай ажил хэмээн хариулжээ. Түүний энэ үгийг сонссон хатан хаан ч бас “Тийм шүү, энэ дэлхийн хамгийн сайхан ажил” хэмээн толгой дохьжээ.