Өчигдөр болсон сонгулийн дүнгийн талаар аймаг орон нутгаас ирүүлж байгаа  мэдээллээр Орхон аймгийн ИТХ-ын  19 суудлаас 11-ийг нь АН-аас нэр дэвшигчид авсан байна. Харин сумдаас Баян-Өндөр, Жаргалант суманд АН-ынхан үнэмлэхүй ялалт байгуулж, цэнхэр тойрог болгожээ.
Өмнөговь аймагт ИТХ-ын  22 суудлаас 16-д нь АН-аас  нэр дэвшигчид ялсан  бол 15 сумаас есөд нь тус намаас нэр дэвшигчид олонхи болсон байна.
Баянхонгор аймгийн Иргэдийн хурлын  28 суудлын 15-ыг нь АН авсан бол  20 сумын  11-д нь АН олонхи болжээ.
Булган аймгийн хувьд орон нутгийн хурлын  21 суудлын  12 нь  АН-ынх болсон бол  Хэнтий аймгийн 11 сумдад Ардчилсан намаас нэр дэвшигчид ялж аймгийн ИТХ-д олонхи болсон байна.
Ховд аймгийн 28 сумаас 18-д нь Ардчилсан намаас нэр дэвшигчид олонхи болж ялалт байгуулсан бол Увс аймагт ИТХ-ын  19 суудлын 16-д нь, Баян-Өлгий аймгийн 21 суудлын  16-д нь АН ялж тус тус олонхи болжээ.  
Ардчилсан хувьсгал ялснаас хойш ямагт улаан байсаар ирсэн Төв аймгийн ИТХ-д  32 суудын 17-г нь мөн л МАН авсан байна.