Супермодель Синди Кроуфорд хэдий тайзнаасаа буугаад олон жилийг үдэж буй ч залуу цагийнхаа бие галбирыг одоо хүртэл хадгалж яваагаа “Shape” сэтгүүлийн шинэ дугаараар харууллаа. Тэрээр 20 жилийн өмнө 26-тайдаа энэ сэтгүүлийн нүүрийг чимэглэж байсан шигээ энэ жил 46-тайдаа дахин зургаа авахуулсан байна. Гэвч хоёр зургийн хооронд төдий л ялгаа ажиглагдахгүй байгаа нь Синди гоо сайхан, бие галбираа хадгалахын тулд хэрхэн хичээснийг баталж байгаа юм. Тэрээр 20 жилийн дараа ч яг залуу үеийнх шигээ байгаа нууцаа дэлгэхдээ “Нөр их хичээл зүтгэлийн үр дүн. 20 гаруй настайгаасаа хойш тасралтгүй хийсэн дасгал сургуулилт, спортын ачаар ийм үр дүнд хүрсэн” хэмээн ярьжээ.
Тэрээр одоо бизнесмэн нөхөр, хоёр хүүхдийнхээ хамт Малибуд нам гүмхэн амьдарч буй. Түүний нөхөр Ренде Гербер саяхан Caliche хэмээх брэндийн рам архи саяхан гаргаж, Пуэрто-Рикод нээлтээ хийжээ. Түүний гэр бүлийн бизнес 20 гаруй баар эзэмшдэг аж. 
