Америкийн хөгжмийн шагнал гардуулах ёслолд ээжтэйгээ ирсэн Жастин Бибер гурван шагнал авсны дараа түүний найз охин Селена баярыг нь хуваалцахаар иржээ. Тэд AMA-гийн шагнал гардуулах ёслолын дараахь үдэшлэгт хамтдаа очиж, нэг цаг гаруй байсны дараа Селенагийн гэр рүү явжээ. Маргааш өглөө нь Жастин Селенагийнхаас өөрийн байрлаж буй “Four Seasons” зочид буудал руу буцаж явсан байна. Хос хоёр хөтлөлцөн явж буй паппарацын зураг хэвлэлүүдээр тарсныг харвал Жастин Бибер, Селена Гомез хоёрын салалт ердөө түр зуурын л явдал, тэд эргээд нийлсэн гэдгээ албан ёсоор зарлаж буй хэрэг гэж ойлгогдохоор байна.
Жастин Бибер АМА-гээс оны шилдэг уран бүтээлч, шилдэг поп/рок уран бүтээлч гэсэн шагнал хүртсэн юм. Энэ тухай тэрээр “Twitter”-тээ бичихдээ “Энэ үдшийн тухай хэлэх үг олдохгүй байна. Та бүхэн надад хэр их итгэнэ, би төдийчинээ та бүгдийн бахархах зүйл хийх болно. Энэ үдшийг би хэзээ ч мартахгүй” гэжээ.

Хос хоёр шөнийн 1,30 минутын үед үдэшлэгт ирээд, нэг цагийн дараа гарчээ.

Бие хамгаалагч нь тэднийг шүхрээр нуухыг оролдов.

Маргааш өглөө нь Жастин найз охиныхоосоо зочид буудалдаа иржээ.

Тэрээр өчигдрийнхөө хувцастай явж байгаа нь хэнд ч анзаарагдахаар байв.