Хятадын баруун өмнөд хэсгийн Гуйжоу мужийн Бижие хотод орон гэргүй таван хүүхэд гудамжны хогийн саванд шатаж үхсэн байхыг олжээ. Хүүхдүүдийн цогцос олдсон хогийн савнаас модны нүүрсний үлдэгдэл, шатсан үнс олдсоноос үзвэл тэд дулаацах гээд гал түлээд түүндээ угаартаж, эцэстээ галд нь өртөж нас барсан бололтой. Хогийн саванд 10 орчим насны таван хүүхэд байсны гурван хүүгийн цогцсыг таньсан байна. Харин үлдсэн хоёрынх нь цогцсыг таньж чадаагүй л байна.  Задлан шинжилгээгээр хүүхдүүд нүүрстөрөгчийн дан исэлд хордсон гэдэг дүн гарчээ.