Японы Ерөнхий сайд Ёшихико Нода сонгуулийн өмнө парламентын доод танхимаа тараалаа. Сонгууль ирэх сарын 16-нд  болохоо товлогдсон юм. Тус сонгуульд одоогийн эрх баригч Ардчилсан нам ялагдал хүлээж, Шинзо Абегийн тэргүүлдэг сөрөг хүчний Либерал Ардчилсан нам олонхийн суудал авах төлөвтэй байгаа юм. Хэдийгээр хоёр намын рейтинг хоёулаа доогуур явж байгаа ч одоогийн эрх баригчид ялагдал хүлээх нь тодорхой гэж ажиглагчид үзэж байна. Хэрэв ажиглагчдын таамагласан ёсоор Либерал Ардчилсан нам сонгуульд ялвал Шинзо Абе дахин Ерөнхий сайд болж магадгүй юм.
Японы улс сүүлийн зургаан жилийн дотор зургаа дахь Ерөнхий сайдынхаа нүүрийг үзээд байна. Хэрэв сонгуульд Ёшихико Нодагийн нам ялагдвал долоо дахь Ерөнхий сайд гарч ирэх юм.