Жүжигчин Кристен Стюарт тамхинаас гарчээ. 22 настай жүжигчин бүсгүй саяхны нэгэн телевизийн ярилцлагын үеэр “ Тамхинаас гарах хэцүү байгаагүй. Учир нь, би байнга татдаггүй байсан болохоор никотинд донтож амжаагүй байсан байх” хэмээн ярьжээ. Тэрээр “Twilight” цувралынхаа сүүлчийн анги болох “Breaking Down-Part 2”-ын сурталчилгааны ажлаар сүүлийн хэдэн сар сонин хэвлэлийн байнгын зочин болоод байгаа юм. Хэдхэн хоногийн өмнө АНУ-д нээлтээ хийсэн тус киноны уран бүтээлчид дэлхий тойрон киноныхоо нээлтийг хийж явна. Уржигдар гэхэд Лондонд киногоо нээсэн бол өчигдөр Испанийн Мадридын үзэгчдэд киногоо хүргэсэн байна.