Дэлхий дахин Хятадын шинэ удирдагчидтай танилцаад удаагүй байна. Дөнгөж өчигдөрхөн Хятадын эрх баригч Коммунист нам ирэх 10 жилд төр барих долоон хүний нэрийг албан ёсоор зарласан билээ. Албан ёсоор зарлагдсан ч ажилдаа ч орж амжаагүй байгаа шинэхэн дарга нартай танилцах хамгийн эхний алхам бол тэдний нэр усыг зөв хэлж дуудах явдал. Хятад, Солонгос, Вьетнам, Унгар зэрэг хэлний нэрийг англиар бичихэд үндсэн дуудлагаасаа өөр болох явдал түгээмэл тохиолддог учир ирэх гуравдугаар сард БНХАУ-ын дарга болох эрхмийн нэрийг хэвлэлүүд янз бүрээр л бичиж, дуудаж байна. Си Жинпин, Ши Жинпин, Си Зиньпин гээд л хэдэн янзын хувилбар явж, сэтгүүлчид ч хэрхэн бичихээ ялгаж салгаж чадахгүй байгаа билээ. Тиймээс ирэх 10 жилд дэлхий дахины улс төрийн гол тоглогч болж, хэвлэл мэдээллийн хэрэгслээр бараг өдөр бүр мэндчилэх Хятадын удирдагчдын нэрийг хэрхэн зөв дуудах талаар “BBC” агентлагийн хэлний мэргэжилтэн ингэж зөвлөжээ.
1.    Xi Jinping - Ши Жинпин буюу /SHEE jin PING/
2.    Le Keqiang –Ли Кучиан буюу /LEE kuh chee-AANG/
3.    Zhan Dejiang- Жан Дужиан буюу /JAANG duh jee-AANG/
4.    Zhan Gaoli- Жан Гоули буюу /JAANG gow LEE/
5.    Wang Qishan-Ван Чишан буюу /WAANG chee SHAN/
6.    Liu Yunshan-Лю Юншан /LYOH yuen SHAN/
7.    Yu Zhengsheng-Юй Жaншан /YUE jung SHUNG /u as in bun//


Хятадын Коммунист намын улс төрийн товчооны эдгээр долоон гишүүний нэрийг ингэж дуудах нь зөв хэмээн “BBC” тайлбарлаж байгаа бол оросууд хэрхэн дуудаж байгаагаар жишиг авдаг манайхны хувьд “Риа Новости” агентлаг эдгээр нэрсийг арай өөрөөр бичиж байгаа юм. Тухайлбал, Си Зиньпин, Ли Кецян, Жан Дэзян, Жан Гаоли, Ван Цишань, Ли Юаньчао, Юй Жэншэн хэмээн бичиж байна.