Энэ сарын 18-нд эхэлсэн Хятадын Коммунист намын 18 дугаар их хурал намын Төв хороог 205 жинхэнэ болон 171 орлогч гишүүнтэйгээр байгуулаад байна. Төв хорооны бүрэлдэхүүнд Хятадын ирээдүйн удирдлага болно хэмээн яригдаад байгаа БНХАУ-ын дэд дарга Си Жиньпин, ерөнхий сайдын орлогч Ли Кэцян нар орсон талаар Синьхуа агентлаг онцлон мэдээлсэн байна.
Шинээр байгуулагдсан Төв хорооны анхдугаар бүгд хурал өнөөдөр болж ХКН-ын ТХ-ны Улс төрийн товчоо, Байнгын хороод, мөн Ерөнхий нарийн бичгийн даргыг сонгоно. Ажиглагчид Си Жиньпинийг ХКН-ын ерөнхий нарийн бичгийн дарга болоод, дараа нь БНХАУ-ын дарга болно гэж байгаа бол Ли Кэцяныг ХКН-ын УТТ-ны бүрэлдэхүүнд үлдэж, ирэх гуравдугаар сард Засгийн газрын тэргүүн болно гэж таамаглаж байна.
Улс төрийн товчооны нийт есөн гишүүний үлдэх долоон гишүүн, энэ дотор БНХАУ-ын дарга Ху Жинтао, Төрийн зөвлөлийн дарга Вэнь Зябао, хууль тогтоох дээд байгууллагын байнгын хороон дарга У Банго нар шинэ Төв хорооны бүрэлдэхүүнд багтаагүй байна.
