МАХН-наас  Сүхбаатар дүүрэгт нэр дэвшсэн 12 хүнийг МАН-ын харьяалалтай гэсэн шалтгаанаар Сонгуулийн хороо бүртгэхээс татгалзсан. Гэвч тэдгээр нэр дэвшигч МАН-ын зохих  дүрмийн дагуу тус  намаас гарсан гэдгээ мэдэгдэж Сүхбаатар дүүргийн Сонгуулийн хороог огцрохыг шаардаж  өлсгөлөн зарлаад байна.
Нэр дэвшигчид энэ талаар Нийслэлийн Захиргааны хэргийн шүүхэд нэхэмжлэл гаргахад  “МАХН-ын нэр дэвшигчдийн Үндсэн хуулиар олгосон эвлэлдэн нэгдэх,  сонгох, сонгогдох эрхийг  нь зөрчсөн байна” гэж үзжээ. Өөрөөр хэлбэл, Сүхбаатар дүүргийн Сонгуулийн хороог хууль бус шийдвэрээ хүчингүй болгож, дээрх 12 хүнийг нэр дэвшигчээр бүртгэхийг даалгасан боловч шүүхийн шийдвэрийг одоо хүртэл хэрэгжүүлэхгүй байгаа ажээ.
Тиймээс МАХН-ын нэр дэвшигчид  Захиргааны хэргийн шүүхийн шийдвэрийг биелүүлэх, Сүхбаатар дүүргийн Сонгуулийн хороог огцрохыг шаардаж  өлсгөлөн зарлаад байгаа нь энэ юм.