Польшийн тусгаар тогтнолын баярын үеэр Варшавын төвд болж байсан үндсэрхэг үзэлтнүүдийн жагсаал эмх замбараагүй байдал болж хувирсан байна. Хууль зөрчигчид цагдаагийнхан руу шил, лонх чулуудаж танхайрснаас хоёр ч хууль сахиулагч шархаджээ.

Энэ үеэр Варшавт өөр бас нэг жагсаал болж Ерөнхийлөгч Бронислав Коморовский оролцож “Үндэснийхээ баярыг танхайчууд, түрэмгийчүүдээс хамгаалах хэрэгтэй байна” гэж хэлсэн байна. Өнгөрсөн 2011 онд бас тус улсын тусгаар тогтнолын өдрөөр ийм эмх замбараагүй байдал гарч хууль сахиулагчид 200 хүнийг саатуулж байсан юм. Танхайчууд Польшийн телевизийн автобусыг шатааж Ерөнхий сайд Дональд Туск  Хуульзүйн яамны сайд болон Дотоод хэргийн удирдлагуудтай яаралтай уулзаж хууль зөрчигчдийг саатуулахыг үүрэгдэж байсан юм.