Британийн хөгжимчин, дуучин, хөгжмийн зохиолч, Ливерпулийн алдарт дөрвөл “Битлз”-ийг үндэслэгчийн нэг Пол Маккартни гэргий Нэнси Шевеллтэйгээ хамт явж байгаад нисдэг тэрэгтэйгээ осолд орох шахсан байна.

Аль хавар болсон энэ явдал одоо л хэвлэлийнхэнд ил болж байгаа юм байна. Тавдугаар сарын эхээр хөгжимчин Дорнод Суссексийн гүнлэг дэх гэр рүүгээ Sikorsky S-76C нисдэг тэргээр  очиж явтал  гэнэт өндрөө алдаж эхэлжээ. Нисгэгч ч удирдлагаа алдаж нисдэг тэргээ ойд буулгахаар оролдсон ч модны оройг шүргэн нисч байгаад арай гэж өндөр авчээ. Эцэст нь дуучны гэрээс 25 км зайд Кент гүнлэгийн нутагт газардсан байна.
Одоо тээврийн газрынхан болсон хэрэг явдлыг мөрдөн шалгаж байгаа юм байна.