Ерөнхийлөгчийн сонгуульд ялалт байгуулан хоёр дахиа сонгогдоод байгаа Б.Обама яг одоо ялалтын үгээ хэлж байна. Тэрээр Чикагод хуран чуулсан сонгогч дэмжигчдийнхээ өмнө гэр бүлийнхэнтэйгээ гарч ирж баяраа хуваалцан ёсолсны дараа үгээ хэлж эхэллээ. Б.Обама өөрийг нь дэмжсэн бүх хүмүүс тэр дотроо өөрийнх нь "байлдагчид" хэмээн нэрлэсэн гэргий  Мишель, хоёр охин Малиа Саша болон дэд Ерөнхийлөгч Жое Байден нартаа талархал илэрхийлжээ. 
Мөн тэрээр сайн дураараа өөрт нь хүчин зүтгэж, сонгуулийн кампанид нь тусласан хүмүүстээ маш их баярлаж талархаж байгаагаа хэлсэн юм.
Ерөнхийлөгч Б.Обама "АНУ-ын хамгийн сайн сайхан бүхэн урд өмнө минь байгаа шүү. Та бүхэн л намайг өдий зэрэг хүргэсэн учраас үргэлж баярлаж явдаг" гэж дэмжигчдийнхээ өмнө мэдэгдлээ.