АНУ-ын ерөнхийлөгчийн сонгуульд Бүгд найрамдах намаас нэр дэвшин өрсөлдсөн Митт Ромни сонгуульд ялсан өнөөгийн ерөнхийлөгч Барак Обамад баяр хүргэсэн байна. “Сонгуульд ялсан Обамад баяр хүргэе” гэж Ромни өөрийн талынхныхаа өмнө хэлсэн үгэндээ тэмдэглэжээ.Тэр бас Барак Обамад утасдаж баяр хүргэснээ сонгогчиддоо дуулгасан байна.
Митт Ромни бас сонгуулийн кампанийн үеэр дэмжиж ажилласан бүх хүнд талархал дэвшүүлээд өөрийн гэр бүлийнхэн, улс төрийн хамтран зүтгэгчид, дэд Ерөнхийлөгчид нэр дэвшиж өрсөлдсөн Пол Райнд баярласнаа илэрхийлжээ.
АНУ-ын Ерөнхийлөгчид нэр дэвшигч төлөөлөн сонгогчдын 270 санал авахаас Барак Обама 303 санал аваад байгаа юм. 
Б.Обамаг ялмагц Нью-Йоркийн Эмпайр Стэйт Билдингийн гэрлийг цэнхэр өнгөөр гэрэлтүүлжээ.
Б.Обамагийн дэмжигчид
Ялалтын баярын нулимс
Канзас дахь Ерөнхийлөгчийн дэмжигчид 
Баярт мэдээг Ерөнхийлөгчийн төрөлх Чикаго хотынхон бүр их сэтгэл хөдлөлтэйгөөр хүлээн авлаа.
Жессе Жексон өөрөө Сенатын сонгуульд ялснаас илүү баярлажээ.
Ялагдлын мэдээ сонссон Митт Ромни гэртээ буцаж явна.
Ромнигийн дэмжигч
Ялагдлын мэдээ
Америкчууд сонгуульдаа маш идэвхтэй оролцож, санал хураах байр хаалгаа барьсны дараа ч хүмүүс дараалалд зогссоор байжээ.
