АНУ-ын Нью-Гэмпшир мужийн Диксвилл-Нотч тосгонд АНУ-ын Ерөнхийлөгчийг сонгох сонгуулийн анхны санал авах байр орон нутгийн цагаар 00 цагт үүдээ нээлээ. Энд санал өгсөн 10 хүн  нэр дэвшигч хоёрын төлөө яг санал хуваагдсан байна. Тэдний тав нь өнөөгийн Ерөнхийлөгч Барак Обамагийн төлөө саналаа өгсөн бол үлдсэн тав нь Митт Ромнийг дэмжжээ.
Энэ жижигхэн тосгон  АНУ-д хамгийн түрүүнээ сонгуульд саналаа өгдөг болохоор хэн хүнгүй мэднэ. 1960 онд энэ тосгон өөртөө санал хураах байр ажиллуулах эрх авчээ. Сонгогчид нь саналаа өгөөд дуусахаар саналын хайрцгийг нээдэг байна.