Гүржид шоронтой холбоотой ээлжит дуулиан гарлаа. Ксани тосгон дахь шоронгийн 15 хоригдол хорих газрын удирдлагыг солихыг шаардан амаа оёсон байна. Цаашлаад хорих газрын удирдлага тэдний амь насанд заналхийлсэн, тусгай хүчнийхнийг оруулан гэсгээнэ хэмээсэн гэв. Зарим хоригдол ар гэр рүүгээ утсаар ярин амь насаа хамгаалуулахын тулд шоронгийн гадна 24 цагийн турш жижүүрлэхийг хүсчээ. Хоригдож байгаа ойр дотны хүмүүсээ аврах нэрийдлээр зарим хүн шоронгийн дотогш дайран орохыг завдсан боловч хамгаалтын ажилтнууд таслан зогсоож чаджээ. Үүнээс өмнө Рустави хотын шоронгийн хоригдлууд мөн л удирдлагаа солихыг шаардан өлсгөлөн зарласны хүчинд хорих газрын даргыг огцруулсан юм. Засгийн газар солигдож шинэ хүмүүс дөнгөж томилогдож байгааг гэмт бүлэглэлийн толгойлогч нар ашиглан энэ мэтээр тэнд дарамт үзүүлэх, шоронг өөрийн “атганд” оруулахыг хичээх гэсэн ородлдого гэж Гүржийн шүүхийн шийдвэр биелүүлэх яамны сайд мэдэгджээ.Гүржийн сөрөг хүчин шоронгийн хоригдлуудыг хэрцгийгээр тамласан дуулианы давалгаан дээр сонгуулиар ялж парламентын олонхи болж, шинэ Засгийн газар байгуулсан юм.
