Хэрэв АНУ-ын Ерөнхийлөгчийн сонгуулийн саналт хураалтыг өөр бусад оронд явуулдаг байсан бол Б.Обама маргааш болох сонгуульд гарцаагүй ялахаар байна. Дотооддоо бол өрсөлдөгч Митт Ромнитой тун ойрхон рейтингтэй яваа түүнийг дэмжигчид дэлхийгээр нэг байна. Дэлхийн 36 орны 570 мянган хүнийг хамарсан санал асуулгаас харвал Барак Обама 81 хувь буюу үнэмлэхүй ялалт байгуулахаар рейтингтэй байгаа юм. Гэтэл түүний өрсөлдөгч Митт Ромниг гадаадын иргэд төдийлэн үнэлэхгүй байгаа бололтой ердөө 19 хувийн рейтингтэй гарчээ. Митт Ромнид ахиу санал өгсөн цорын ганцхан улс нь Хятад байсан бөгөөд хэрвээ АНУ-ын сонгууль эх газарт болсон бол тэрээр 52 хувиар ялах магадлалтай байв. Тэгвэл англичууд Барак Обамагийн үнэнч дэмжигчид гэдгээ баталж байдаг 85 хувь нь түүнийг дэмжиж буйгаа илэрхийлжээ.
