Иран улс эгц дээшээ хөөрч, буух зориулалттай нисгэгчгүй аппарат бүтээснээ зарлалаа. Энэ онгоцыг ираны Мазендеран мужид байрладаг “Mazandaran Science and Technology Park” компанид бүтээсэн байна. “Нисэгчгүй энэ онгоц хөөрөхөд нислэгийн ямар ч зурвас хэрэггүй, тэгээд ч ямар ч дуу авиа гарахгүй” гэж ерөнхий инженер Аббас Жам сэтгүүлчдэд хэлжээ. Сүүлийн жилүүдэд тагнуулын зориулалттай ийм нисгэгчгүй аппарат бүтээх гэж Иран идэвхтэй ажиллаж ирсэн юм. Өнгөрсөн есдүгээр сард Израилын агаараас эсэргүүцэн хамгаалах систем Хезболлах бүлэглэлийн хөөргөсөн нэг ийм аппаратыг унагасан юм. Түүнийг  Тегеран тэдэнд өгсөн нь сүүлд тодорхой болсон юм.