НҮБ-ын хүний эрхийн комиссын тэргүүн Нави Пиллей мэдэгдэл гаргаж, Түвдэд хүний эрхийг хангах талаар анхаарахыг Хятадын Коммунист намын удирдлагуудад уриалсан байна.
Өнгөрсөн гуравдугаар сараас өнөө хүртэлх хугацаанд Түвдийн 60 гаруй лам Бээжингийн эрх баригчдыг эсэргүүцэж өөрийгөө шатааж ихэнх нь амь насаа алдсан юм. Зөвхөн өнгөрсөн долоо хоногт л гэхэд долоон түвд лам өөрийгөө шатаасан хэрэг гарлаа. Лам Нави Пиллей “Хятадын засаг захиргааны бодлого нь Түвдэд хүний эрхийг зөрчиж, нийгмийн тогтовортой байдлыг алдагдуулж байгааг тэмдэглэсэн байна. НҮБ-ын Комиссын тэргүүний мэдэгдэлд түвдүүд Хятадын засаг захиргааг тайван замаар эсэргүүцсэн тохиолдолд тэдний эсрэг зэвсэг хэрэглэж,  баривчилж зарим нь бүр сураггүй алга болдог гэжээ. Түвдийн үндэсний соёл ч бас хэлмэгдэж байгааг тэмдэглэсэн байна. “Түвдэд тайвнаар жагсч үзэл бодлоо илэрхийлэх, үүнийх нь төлөө баривчилсан хүмүүсийг суллахыг БНХАУ-ын удирдагчдад уриалж байна” гэжээ.
Харин Хятадын эрх баригчид энэ мэдэгдэлд дурдсан баримтуудыг үгүйсгээд лам нар өөрсдийгөө шатааж байгааг Далай лам турхирч байгаа юм гэсэн байна. Далай лам ч бас үүнийг няцааж тэмцлийн ийм хэлбэрийг би хэзээ ч уриалаагүй гэж мэдэгджээ.