Финийн буланд Хельсинкийн ойролцоо асар том нефтийн толбо үүссэнийг Финляндын аврах албаныхан устгахаар ажиллаж байна. Өчигдөр үүссэн энэ толбоны хэмжээ ойролцоогоор 200 метр өргөн хүрээнд тархжээ. Финийн мэдээллийн албаны мэдээлж байгаагаар үүгээр явж өнгөрсөн хөлгөөс түлш  асгарсан бололтой. Гэхдээ шалтгааныг  яг тодорхой тогтоож чадаагүй байгаа гэнэ. Нефтийн толбыг арилгахаар аврах гурван хөлгөөс гадна хилийн хамгаалалтын “Мерикарху” хөлөг очоод байна.