Иракын шүүх өчигдрийн хуралдаанаараа Иракын дэд ерөнхийлөгч асан Тарик аль-Хашимд цаазаар авах ял эчнээгээр оноожээ. Түүнийг төрийн өндөр албан тушаалтнуудыг алуулахаар бие хамгаалагчдаа явуулсан гэж буруутгасан байна. Тарик аль-Хашим бол Иракын сунитын нийгэмлэгийн төлөөлөл юм. Тэр бас шийтүүдийн эсрэг, ерөнхий сайд Нуриаль-Маликийн амь насанд халдахаар бэлтгэж байсан звэсэгт бүлэглэлийг толгойлдог гэж буруутгажээ.

2011 оны арванхоёрдугаар сард түүнийг баривчлах гэж байхад засгийн газрын хяналтад байдаггүй Курдистанд нуугдсан юм. Харин Курдистаныы эрх баричгид түүнийг засгийн газартаа хүлээлгэн өгөхөөс татгалзаад байгаа юм. Засгийн газар Катарын засгийн газарт хандаж түүнийг шилжүүлэн өгөхөд туслах, Арабын орнуудын лигийн орнуудад эрэн сурвалжлахыг уриалсан юм.