Оросын эзэн хаан Нэгдүгээр Павелын албан өрөөг чимж байсан 1765 онд  үйлдвэрлэсэн цаг Лондонд “Christie”-гийн дуудлага худалдаагаар 967 мянган ам.долларын үнэ хүрсэн  байна. 1723-1800 онд амьдарч, өөрийнхөө цаг үед хамгийн нэртэй мастеруудын нэг байсан Жеймс Коксын урласан энэ цагийг бронздож, эрдэнийн чулуугаар чимэглэсэн байна. 32,4 см өндөртэй, 11 см өргөнтэй энэ цагийг цохиход шувуу нь толгойгоо дохьдог байна.
Цагийг худалдаж авсан хүн одоогоор тодорхойгүй байна. Дуудлага худалдаа зохион байгуулагчид энэ цагийг 128 мянган доллараас илүү үнэ хүрэхгүй гэж таамаглаж байжээ.