Дэлхийн цаг уурын өөрчлөлтөөс үүдэн гадил жимс олон сая хүний хүнсний гол хэрэгцээг хангахад хүрээд байгаа гэнэ. Тэр ч бүү хэл зарим хөгжиж буй орон төмсний оронд гадил хэрэглэхэд ч ойрхон байгаа аж. Учир нь, дэлхийн цаг уур өөрчлөгдөж байгаагаас газар тариалан, төмс, хүнсний ногоо тариалах нөхцөл өөрчлөгдөх болжээ. Дэлхий даяар нэлэнхүйдээ дулаан болж байгаа учир гадил мэтийн жимс ургахад тохиромжтой болж оронд нь сэрүүн нөхцөлд сайн ургадаг төмс тарихад бэрхшээлтэй болж иржээ.
НҮБ-ын гаргасан хүнсний аюулгүй байдлын талаарх судалгаанд дурдсанаар дэлхий нийтээр хамгийн өргөн хэрэглэдэг газар тариалангийн 22 нэр төрлийн түүхий эд бэлтгэлтэд цаг уурын дулаарал нөлөөлж байгаа аж. Тухайлбал, дэлхий даяар хамгийн их тариалдаг эрдэнэшиш, будаа, улаанбуудайн ургац өдгөө хөгжиж буй орнуудад буурах хандлагатай байна. Тийм ч учраас өндөр илчлэгтэй төмс мэтийн хүнсний ногооны оронд гадил жимсийг орлуулах талаар дэлхийн бодлого боловсруулагчид аль хэдийнэ тооцож эхэлжээ.
