Дуучин Майли Сайрус ирэх жил гурван удаа хуримаа хийхээр төлөвлөжээ. Америкийн хүүхэд залуучуудын шүтээн болсон 19 настай дуучин, жүжигчин тэрээр өнгөрсөн зургадугаар сард найз залуу Лайм Хемсворттойгоо сүй тавьснаа зарласан билээ. Хос хоёр ирэх онд хуримаа хийхээр төлөвлөсөн ч өдрөө товлоогүй байгаа юм. Харин бүх хамаатан садан, найз нөхөд, ойр дотныхныгоо хуримандаа оролцуулахын тулд гурван удаа хурим найр хийхээр шийджээ. Тухайлбал, сүйт бүсгүйн уугуул нутаг Теннеси болон сүйт залуу Лайм Хемсвортын төрсөн газар Австралийн Мельбурнд хуримаа хийх аж.
2010 онд “Сүүлчийн дуу” кинонд хамт тоглосноос хойш болзож эхэлсэн тэдний хуримын зардал нэг сая ам.доллар болохоор байгаа гэнэ. Охиноо гэрлэх болсонд сэтгэл хангалуун байгаагаа Майлигийн эцэг Билли Рэй Сайрус саяхан мэдэгдсэн билээ. Майли Сайрусын хуримын тухай бас нэг сонирхолтой мэдээлэл гэвэл түүний экс найз залуу Ник Жонас саяхан радиогийн ярилцлагын үеэр түүний шинэ уран бүтээлийн нэг “Хуримын хонх” дуу Майлид зориулагдсан гэдгийг хүлээн зөвшөөрчээ. Энэ дууны шүлгэнд “Дахин нэг удаа боломж олгооч, хуримын чинь хонх жингэнэх дууг сонсохыг хүсэхгүй байна” гэсэн үгс байдаг юм. 
Майли экс найз залуу Никийн хамтлагтай хамт /Баруун гар талаас Ник Жонас/
