Японы Сендай хотын олон улсын нисэх буудлын нутаг дэвсгэрээс дэлхийн хоёрдугаар дайны үеийн Америкийн дэлбэрээгүй бөмбөг гарснаас болоод 92 нислэгийг өөрчлөхөд хүрчээ. Өчигдөр онгоцны буудлын нутаг дэвсгэрт барилгын ажил хийж байсан хүмүүс газар ухаж байгаад 250 кг жинтэй, дэлбэрээгүй бөмбөг олсон байна. Одоо тэнд бөмбөгийг аюулгүй болгох, зөөж холдуулахаар Японы армийн сапёрчид ажиллаж байгаа юм байна. Сендай хот нь Хонсю арал дээр Японы зүүн эрэгт байдаг болохоор өнгөрсөн оны гуравдугаар сард болсон цунамийн улмаас ихээхэн сүйрч сэргээн босгох, барилгын ажил одоо хэр үргэлжилж байгаа юм. Дэлхийн хоёрдугаар дайны үед Японы газар нутгийг америкчууд маш их бөмбөгдөж байсан юм.