Энэтхэгийн Ерөнхий сайд Манмохан Синх танхимынхаа гишүүдийг бүрэн бүрэлдэхүүнээр нь огцруулж, шинэ залуу улстөрчдөөр сайд нарынхаа эгнээг шинэчиллээ. Энэхүү томилгоогоор нийтдээ 22 шинэ сайд Засгийн газарт орж ирсэн нь 2014 онд болох парламентын сонгуулийн өмнө эрх баригч Конгресс нам шинэ залуу боловсон хүчнээ олон нийтэд таниулах гэсэн зорилготой гэж ажиглагчид үзэж байна. Гадаад хэргийн сайдын суудлаас огцорсон 80 настай С.Кришна ч “Бид залуу хүмүүст замыг нь тавьж өгч байна” хэмээн мэдэгджээ. Эрх баригч Конгресс нам Засгийн газартаа халаа сэлгээ хийсэн нь зөвхөн залуу улстөрчдийг оруулж ирэх бодлогоос гадна авлига хээл хахуулийн хэрэгт холбогдож намын нэр хүндэд сэв суулгасан сайд нараас салж, нэрээ цэвэрлэх гэсэнтэй ч бас холбоотой юм. 2009 оны сонгуулиас хойш тус намын нөлөө бүхий улстөрчид элдэв янзын хэрэгт орооцолдож, шуугиан тарьсаар байгаа юм.