Чехэд өчигдрөөс их хэмжээний цас орж нойтон цасаа даахгүй модод төмөр зам дээр унаснаас галт тэрэгний хөдөлгөөн саатаад байна. Төмөр замын удирдах газрын хэвлэлийн нарийн бичгийн дарга Томаш Дрвотын хэлснээр бол өнгөрсөн шөнө төмөр замын 13 чиглэлийн замд ямар ч галт тэрэг зорчих аргагүй болжээ. Тус улсад очдог олон улсын галт тэрэг хугацаанаасаа цаг хагасаар хоцорч, орон нутгийн галт тэргүүд бүр зорчоогүй байна. Нойтон цасаа даахгүй модод зам дээр унаж байгаа бол гурван ч газарт галт тэрэгний машинч тоормоз барьж амжаагүйгээс галт тэргэн дээр мод унасан байна. Өнөөдөөр ч гэсэн тус улсын нутгаар нойтон цас үргэлжлэн орж байна.