Хэдхэн хоногийн өмнө л улс төр рүү зүглэхийг ч хүсэхгүй байна хэмээн мэдэгдэж байсан Италийн экс Ерөнхий сайд Сильвио Берлускони одоогийн Засгийн газраа унагаж чадна хэмээн сүрдүүллээ. Тэрээр Ерөнхий сайд Марио Монтигийн Засгийн газар Итали орныг хямралын цикльд оруулж, улс орноо сайн удирдаж чадахгүй байгаа учраас түүний кабинетийг дэмжих эсэхээ ойрын өдрүүдэд шийднэ гэж мэдэгдсэн байна.
Тэрээр ийн мэдэгдсэн нь өчигдөр болсон шүүх хурлаар түүний “Mediaset” групп татвар төлөхөөс зайлсхийснийг тогтоож, дөрвөн жилийн ял төлөвлөсөний дараа болсон юм. Шүүхээс ял хүлээж, торны цаана суухдаа тулаад байгаа С.Берлускони энэ бүхнийг улс төрөөр шийдэхийг хүссэн бололтой, шууд л гудамжинд гарч жагсаал хийхдээ Засгийн газрын хувь заяа өөрийнх нь гарт байгаа гэдгийг мэдрүүлж эхлэв. Хэрвээ С.Берлусконигийн нам одоогийн Засгийн газрыг дэмжиж чадахгүй гэвэл Италийн парламент тарж, хугацаанаас нь өмнө сонгууль зарлаж ч болзошгүй юм.