Монголын бадминтоны холбооноос энэ  сарын 26-28-нд улсын аварга шалгаруулах тэмцээн зохион байгуулах гэж байна. Тэмцээн Төв цэнгэлдэх хүрээлэнгийн дэргэдэх Футзалын ордонд болох ажээ. Улсын аваргын онцлог нь насанд хүрэгчдийн, өсвөрийн болон анхан шатны гэсэн ангиллаар болох юм. Урьд өмнө бадминтоны спортоор хичээллэж байгаагүй, сонирхогчдын төвшинд агаарын теннис тоглож байсан сонирхогчид анхан шатны ангилалд өрсөлдөх аж.