21 жилийн өмнө нэгэн эмэгтэйг хэрцгийгээр хөнөөсөн 40 настай Бобби Ли Хайнс гэгч этгээдийг АНУ-ын Техас мужид өнгөрсөн шөнө Хантсвиллын шоронд үхлийн тариа хийж цаазалжээ. 1991 онд Хайнс 19 настай байхдаа Даллас хотын орон сууцанд Мишель Венди Хопт гэгч эмэгтэйг 18 удаа хутгалж, хоолойг нь боомилон хөнөөжээ. Түүний буруутай болохыг хэргийн газраас олдсон хурууны хээ, бусад нотлох баримтууд нотолдог боловч гэмт хэрэгтний сэтгэцийн эмгэгтэй эсэхийг эцэслэн тогтоох гэсээр энэ олон жилийн нүүр үзжээ. Цаазаар авахуулахын өмнө Хайнс “Хохирогчийн гэр бүлийнхнээс хамгийн үнэтэй зүйлийг нь булааж авсан гэмт үйлдлээ хүлээн зөвшөөрч байна. Энэ бол миний алдаа байсан” гэжээ. Энэ бол Техас мужид энэ оны эхнээс хойш гүйцэтгэж байгаа 11 дэх цаазын ял ажээ.