Дуучин Жастин Тимберлэйк, жүжигчин Жессика Бил нарын хуримын зураг олонд ил боллоо. Тэдний Италид хийсэн хуримын зургийг "People" сэтгүүл 300 мянган ам.доллараар худалдан авч, тусгай эрхтэйгээр нийтэлсэн юм. Өнгөрсөн долоо хоногт болсон тэдний хуримын тухай сонин хачин мэдээлэл "People" сэтгүүлийн шинэ дугаар гарах хүртэл нууцлаг байсан юм. Хэвлэлүүдийн бичиж буйгаар 6,5 сая ам.долларын зардал гаргаж хийсэн хоёр одын хурим Италид болсон учраас зочдоо АНУ-аас тусгай онгоцоор авчирч, найр хурим нь долоо хоног шахам үргэлжилсэн.
Сүйт бүсгүй Жессика Бил хуримандаа ямар даашинз өмсөхийг фэнүүд нь тааварлаж ядаж байсан ч ягаан даашинза өмсөнө гэж төсөөлөө ч үгүй байсан биз ээ. Тэрээр Жиамбаттиста Валлигийн урласан ягаан өнгийн хуримын даашинз өмссөн бөгөөд Жастин түүнийг амьдралдаа хэзээ ч харж байгаагүй хамгийн сайхан бүсгүй болсон байсан гэж дээрх сэтгүүлд өгсөн ярилцлагадаа хэлжээ. Харин сүйт залуугийн өөрийнх нь гоёлын хувьд Том Форд брэндэд өөрийн гаргасан загвараар захиалан хийлгэсэн хослол өмсчээ.
