“Эрдэнэс Тавантолгой” ХК-ийн ТУЗ-өөс гаргасан шийдвэрээр 1072 хувьцаа эзэмшигч иргэн бүрд 63.242 төгрөгийг ирэх дөрөвдүгээр сарын 30-ны дотор олгохоор шийдвэрлэсэн. Тодруулбал, "Эрдэнэс Тавантолгой" ХК нь 2025 онд 1.1 их наяд төгрөгийн цэвэр ашигтай ажилласан бөгөөд нэгж хувьцаанд 65.55 төгрөг буюу нийт 786.6 тэрбум төгрөгийг нийт хувьцаа эзэмшигчдэд олгох юм. Үүнээс Монгол Улсын 3.5 сая хувьцаа эзэмшигч иргэдэд 208.5 тэрбум төгрөгийн ногдол ашиг олгохоор болжээ.

Үүнтэй холбогдуулан "Эрдэнэс Тавантолгой" ХК-иас танилцуулга мэдээлэл өгч байна.