Кубын удирдагч асан Фидель Кастро цус харваж, бие нь тааруу, бараг өдрөө хүлээж байна гэсэн мэдээлэл тарсны дараа тэрээр олны өмнө эрүүл саруул гарч иржээ.  Одоо 86 настай экс удирдагч дүү Раул Кастротой хамт өчигдөр Гавана дахь “Nacional” зочид буудалд ирсэн гэдгийг буудлын ажилтнууд баталж байна.
Фидель энд Венесуэлийн нэгэн зочинтой уулзахаар ирсэн гэнэ. Тэрээр уулзалтаа хийсний дараа зочид буудлын ажилтнуудтай яриа дэлгэж, хэсэг саатжээ. Энэ үеэр авсан гэрэл зургийг буудлын ажилтнууд экс удирдагчаа эрүүл саруул байгаагийн баталгаа болгож хэвлэлд дэлгэжээ. Хэдийгээр хувьсгалын удирдагч нас дээр гарч, бие тэнхээ нь урьдынхтай харьцуулашгүй болсон ч хэвлэлээр бичээд байгаа шиг муудсан шинж огт ажиглагдаагүй гэж Фидельтэй уулзсан Венесуэль зочин ч, буудлын ажилтнууд ч ярьж байгаа юм.