Энэ явдал Тайландад хоёр хоногийн өмнө болжээ. ОХУ-ын Сахалины оршин суугч 30 настай Ольга Колчанова бүсгүй нөхөр, хоёр хүүхдийн хамт Тайландад жуулчлахаар очиж. Тэд гэр бүлээрээ Сиамын булан дахь амралт сувиллын Паттайя хотод очиж буудалд тухалжээ. Тайландын шөнийн амьдралыг сонирхсон тэд гудамжны наймаа үзэж жимс худалдаж авахаар зогсч байх үед нь ой хагастай бага охин нь авто зам руу гарахыг хэн нь ч анзаарсангүй. Яг энэ үед зам дээр ачааны машин гарч ирэхэд бүсгүй эргэн харж охиноо зам дээрээс түлхэж зайлуулсан ч өөрөө машин доогуур орж амиа алджээ. Харин охин тархиндаа гэмтэл авсныг Паттайя хотын эмнэлэгт хүргэсэн байна. Гэхдээ охины гэмтэл ноцтой биш долоо хоног хэртэй хэвтүүлэн эмчилнэ гэж эмч нар хэлсэн байна.
Ачааны машины жолооч энд баригдаж байгаа барилгад чулуун хавтан авчирч байснаа хэлээд юу болсныг харж амжаагүй, гэнэт л юм мөргөсөн, дараа нь хүмүүс хашгиралдаад эхэлсэн гэжээ.
Одоо Оросын ГХЯ талийгаачийн шарилыг Тайландаас тээвэрлэн авчрах асуудлыг хөөцөлдөж байгаа аж.
