Нью-Йоркийн Манхэттен дахь АНУ-ын Холбооны нөөцийн банкийг дэлбэлэх гэж оролдсон Бангладешийн нэгэн эрэгтэйг Америкийн цагдаа нар өнгөрсөн лхагва гарагт баривчилсан байна. Өнгөрсөн нэгдүгээр сард АНУ-д ирсэн 21 настай Кази Нафас алан хядагч “Аль-Каида” бүлэглэлтэй хамтран ажилладаг, террорист халдлага хийхээр ирсэн нь мөрдөн байцаах ажиллагааны явцад тодорхой болсон байна. Тэрээр лхагва гарагийн өглөө 450 кг тэсрэх бодис ачсан машинаа Холбооны нөөцийн банкны орох хаалганы дэргэд тавиад гар утсаар удирдан дэлбэлэх гэж байжээ.
Хууль сахиулагчдын мэдээлснээр Нафис үүнийхээ өмнө “Америкийг устгая” гэсэн захидал, дүрс бичлэг илгээж байсан байна. Холбооны нөөцийн банкны Нью-Йоркийн энэ салбар нь 2001 оны есдүгээр сарын 11-ний аймшигт халдлага болсон Дэлхийн худалдааны төвийн ихэр цамхаг байсан газраас холгүй байрладаг юм байна.
