Японы Окинава арлын эргээс 150 км-ийн зайд шатаж байсан Хятадын худалдааны хөлөг онгоцны багийн 64 гишүүнийг Японы эргийн хамгаалалтын албаныхан  аварсан байна. Хятадын худалдааны 12 мянган тонн багтаамжтай “Минян” хөлөг шатаж эхлэхэд Тайваниас эргийн хамгаалалт дуудсан ч Японы тал цаг алдалгүй хөлөг онгоц, нисдэг тэрэг илгээжээ. Эхлээд усанд унаад байсан 21 далайчныг аварсан бол дараа нь шатаж байсан хөлөг дээрээс багийн  43   гишүүнийг аварч нүүлгэн шилжүүлсэн байна.