Жил бүр зохион байгуулагддаг ШХАБ-ын гишүүн орнуудын Засгийн газрын тэргүүн нарын зөвлөлийн өргөтгөсөн хуралдаан ОХУ-ын нийслэл Москва хотод болох гэж байна.
Энэхүү хуралдаанд Монгол Улсыг төлөөлж Ерөнхий сайд Г.Занданшатар Зам, тээврийн сайд Б.Дэлгэрсайхан, Сангийн сайд Б.Жавхлан, Шадар сайд Х.Ганхуяг, Аж үйлдвэр, эрдэс баялгийн сайд Г.Дамдинням нарын хамтаар оролцохоор өнөөдөр мордож буй аж.
Энэ удаагийн уулзалтаар Оросын тал Москва–Бээжингийн түншлэл болон гишүүн орнуудын эдийн засгийн хамтын ажиллагааг бэхжүүлэхэд анхаарлаа төвлөрүүлж байна. Уулзалтын гол сэдэв нь эдийн засгийн хамтын ажиллагаа бөгөөд худалдааны хамтын ажиллагааны замын зураглал, эрчим хүч, хөрөнгө оруулалт, төлбөр тооцооны механизм зэрэг асуудлуудыг хэлэлцэх гэнэ.
























