Дуучин Адель өнгөрсөн баасан гаригийн шөнө амаржиж, анхны хүүхдээ өлгийдөн авчээ. Түүний гэр бүлд хүү мэндэлсэн байна. Сартай шөнөөр хүү мэндэлсэнд дуучны гэр бүл хязгааргүй их баяртай байгаагаа фэнүүддээ хуваалцсан ч үүнээс цаашхи мэдээллийг нууцлахыг хүсчээ.
Энэ хүү 24 настай дуучин Аделийн хувьд анхны хүүхэд нь бол түүний сүйт залуу Саймоны хувьд хоёр дахь хүүхэд нь юм. Тэрээр өмнөх эхнэрээсээ таван настай охинтой. Тэд 2011 оны зунаа болзож эхэлсэн бөгөөд амьдралынхаа ханийг олсон учраас уран бүтээлээсээ түр хөндийрнө хэмээн мэдэгдэж байсан дуучин бүсгүй бие давхар болсон гэдгээ өнгөрсөн зургадугаар сард зарласан билээ.
Хэдийгээр Адель хувийн амьдралдаа ихэнх цагаа зарцуулах болсон ч хамгийн сүүлд гаргасан Жеймс Бонд цувралын "Skyfall" киноны дуу нь хит жагсаалтуудад тэргүүлж байгаа юм. Тэрээр шинэ уран бүтээлээрээ аль хэдийнэ сингл гаргаж амжсан бөгөөд борлуулалтаараа амжилттай явна гэж итгэж байгаа гэнэ. 
