Ливийн Бани-Валид хотод болсон тулалдааны үеэр Муаммар Каддафийн хүү Хамис амь үрэгджээ. Зарим эх сурвалж түүнийг Банри-Валидын ойролцоо шархадсаныг Мисурат хот руу аваачсан ч шархаа даалгүй нас барсан гэж мэдээлж байна. Хамисыг үүний өмнө хэд хэдэн удаа нас барсан гэж мэдээлж байсан ч тэрээр сүүлийн хэдэн хоногт эцгийнхээ талыг баримтлагч зэвсэгт бүлэглэлийнхэнтэй  нийлж Засгийн газрын эсрэг байлдсаар байсан юм. 100 мянган хүнтэй Бани-Валид бол Ливийн өмнөх Засгийн газрын байр суурийг хамгаалан НАТО –гийн дэмжлэгтэй өнөөгийн эрх баригчдыг хүчтэй эсэргүүцэж байгаа ганц хот,  үндсэндээ өмнөх дэглэмээ хамгаалсан зэвсэгт бүлэглэлийн нийслэл  нь болоод байгаа юм.