Соёл, спорт, аялал жуулчлал, залуучуудын яам Монголын Залуучуудын Эвсэл ТББ хамтран “Залуучуудын хөгжлийн төлөөх түншлэл: Салбар дундын уялдаа холбоо” сэдэвт үндэсний чуулганы урьдчилсан хэлэлцүүлгийг 2025 оны 9 дүгээр сарын 22-26-ны өдрүүдэд Архангай, Баян-Өлгий, Дорноговь, Ховд аймгийн иргэний нийгэм, төр, хувийн хэвшлийн байгууллагын залуучуудын дунд зохион байгууллаа.Орон нутгийн урьдчилсан хэлэлцүүлгээр:

• Залуучуудын хөгжлийг дэмжих тухай хуулийн шинэчилсэн найруулга;

• Залуучуудын өмнө тулгамдаж буй асуудлуудад гарц, шийдэл;

• Засгийн газрын 2024-2028 оны мөрийн хөтөлбөр - үйл ажиллагааны төлөвлөгөөний хүрээнд залуучуудын асуудлаар хэрэгжүүлэх үйл ажиллагааны хэрэгжилт;

• Соёл, спорт, аялал жуулчлал, залуучуудын яамны “Залуучуудын хөгжлийг дэмжих стратеги 2026-2030” зэрэг сэдвийн хүрээнд хэлэлцэж, санал солилцов.Хэлэлцүүлгээс гарсан саналуудыг нэгтгэн “ЗАЛУУЧУУДЫН ХӨГЖЛИЙН ТӨЛӨӨХ ТҮНШЛЭЛ: САЛБАР ДУНДЫН УЯЛДАА” үндэсний чуулганаар хэлэлцэх юм.