Чингэлтэй дүүргийн айл өрхүүд халаалтын ногоон шийдэл рүү шилжиж эхэллээ.

Монгол гэрээ өөрийн хөрөнгөөр, стандартын дагуу дулаалж, дулаан алдалтгүй батламж авсан айл өрхүүдэд агаарын дулааны насос суурилуулж байна. Энэ шийдлээр тус дүүргийн 300 айл гал түлэх шаардлагагүй болох аж.

Агаарын дулааны насос нь цахилгаан халаагуураас 3.6-3.8 дахин бага цахилгаан зарцуулдаг эрчим хүчний хэмнэлттэй шийдэл юм.

Чингэлтэй дүүргийн Засаг дарга Н.Мандуул хувийн хэвшлийн байгууллагуудтай Аж ахуйн нэгжийн орлогын албан татварын тухай хуулийн дагуу татварт ногдох орлогын нэг хувийн хөнгөлөлтийг агаарын бохирдлыг бууруулахад зарцуулахаар гурвалсан гэрээ байгуулсан. Энэ дагуу аж ахуйн нэгжүүд нийгмийн хариуцлагаа хэрэгжүүлж, татварын нэг хувьтай тэнцэх хөрөнгийг агаарын бохирдлыг бууруулахад зарцуулж байна. 

Эх сурвалж: Агаарын бохирдлыг бууруулах үндэсний хороо