Боловсролыг дэмжигч Голомт банкнаас жил бүр уламжлал болгон зохион байгуулдаг “Internship” буюу Судлаач оюутны хөтөлбөрийг 21 дэх жилдээ амжилттай хэрэгжүүллээ. Энэхүү хөтөлбөрт банк, санхүү, IT, бизнесийн удирдлагын чиглэлээр суралцдаг 2, 3-р дамжааны оюутнууд хамрагдах боломжтой бөгөөд энэ жилийн тухайд мэдээллийн технологийн чиглэлээр суралцаж буй 21 оюутныг хамруулсан юм.
Оюутнууд маань Голомт банканд зуны 3 сарын турш цалинтай дадлага хийхээс гадна өөрийн сонирхож буй мэргэжлийн чиглэлээр бодит ажил болон төслүүд дээр ажиллаж, ментороос чиглүүлэг авч, ажлын байран дээр сурч хөгжих боломжоор хангагдсан. Мөн банкнаас зохион байгуулж буй бусад арга хэмжээнд амжилттай оролцож, хөтөлбөрийн хүрээнд батламжаа гардан авлаа.
Энэхүү хөтөлбөр нь оюутан, залууст зуны амралтаа үр бүтээлтэй өнгөрүүлэх, өөрийгөө хөгжүүлэх боломжийг олгодог бөгөөд Голомт банк оюутан, сурагчдад зориулан зохион байгуулдаг онцлох хөтөлбөрүүдийн нэг юм.
Банкнаас хэрэгжүүлдэг бусад хөтөлбөрийн талаар дараах холбоосоор мэдээлэл авна уу.
-Ажлын байранд суурилсан сургалтын хөтөлбөр
Сайн сайхныг санхүүжүүлнэ
