Ливаны нийслэл Бейрут хотноо олон улсын сагсан бөмбөгийн холбооны Азийн аваргуудын цомын тэмцээн болж буй. Манай улсаас дээд лигийн удаа дараагийн аварга “Хараагийн харцага” баг энэ тэмцээнд өрсөлдөж тойргийн хоёр тоглолт хийжээ. Тэд эхний тоглолтдоо Ираны “Махрам” багтай тоглож 121:66 харьцаатай ялагдал хүлээсэн бол дараа нь эзэн орны шигшээ багийн залуустай тоглож 100:53 харьцаатай мөн л ялагдсан байна. Харин тэд ээлжит тоглолтоо өнөөдөр Туркменистаны “Белент Ашхабат” багтай хийх юм.  Дашрамд сонирхуулахад 2010 онд БНХАУ-ын Наньжинд болсон зүүн Азийн аварга шалгаруулах тэмцээнд манай улсын шигшээ баг Туркменистаны шигшээг илт давуугаар хожиж байсан юм.